Lede

Un verhoal schrieëve oeëver de veurzitter. Dao mojjea neteurlik vörzichtig mej zeen. Ofjeh, dae kin ôs d’r toch neet zoemér uut goeze zónger det de vereiniging ut dur mej eins és. Vôr sommige es Sjoerd neet de gemekkelijkste, vôr anger aug neet. Mer toch és ’t de mieëst haart werkendje jong uut hiel de vereiniging. Zônger dieëze Knoerd zoojje dur geîn Hêldje op Zök zeen! Hae braojtj de ganse waage inein en maaktj sinds un paar jaor köpkes in ‘nne halluve daag. Zoeëpe kin hae aug wul, asj ut um uut keumptj. (Hae és neet vör niks nömmerke twieë inne HOZ-Bier lieëst van 2017). Némes hieëf ‘m oets oeëvertroffe met Veurzitter zeen, en dét zal aug neet gâw gebueëre!

Waat deut dieëze lamlúl verrekis weinig vör unne sikkretaris. Hea hieët geîn enkel benul waat dur in dieës vereinging umgieët, en toch és hea besteur. Kijje uch noow vueërstelle wie dieës vereiniging ineîn steaktj? As hea neet aanne gang és, mot hea wul nao gezeik en gezeur vanne veurzitter loeëstere, dus ut leefst stieët hea met zien naas inne piepschuim. Schoeën vorme, naaze, hâng, dröpkes, ouge, zuurstokke, lollies, gea verzintj ut mer en dieëse Hêldj flatsj ut uch inein van tempex. Met un bitje pur en vueëral hiel hiel HIEL VÖL ducttape maaktj hea alle details van de waages. Onmisbaar vur de schoeënigheid, misbaar vur alle hoeveelhede beer dea hea nao binne kloekt-j. Gelökkig spektj det de vereinigingskas en maaktj det ut un bitje goot. Alle gekkigheid op un stékske, dit es de ieërste en beste sikkretaris vanne vereiniging!

Dieëze rasechte Blackpantaloniër sleuteltj ut leefste aan vleegtuuge. En neet van die klejn, mer die groeëte bowings ofzoeiets. Vae snappe dur in eeder geval gein bûl van, mer gelökkig esj beej os ouch geîne rocketscience. As dieëze kloeët inne loeëds és, gieët hea ut leefste laaif met ziene kammeroad Mike. Bitje Huilandse meziek durbeej en gaas op dea zuuger! Hem kijje ouch alles laote doon, as dur mer gaas gegeave wurdj. Al jaore lid, ouch al woeëntj hea de helft vanne tieëd in Pruûses!

Oeës klein Kieëske. Goot aanne gang met plekke, of met details schildere. Secuur werrik, det es vör dit meagdje weggelagtj. Ut lieëktj wul of de lieëst Heîte kétjes in de vereiniging neet op huldj! Volgens ós, hebbe vae alleîn mer heîte kétjes. Det hebbe vae toch goot vör mekaar, of neet dan? Dankzij hueër oajjers krieëge vae altieëd un lekker teske koffie en un dik belagdj brueëdje vlak vueër dun optocht, waat ouch wul echt noeëdig és as boeëm vur al die dikke potte beer! Kieëske, bedânktj!

Oajje pieëpelegker. Oeëverdaag fulltime beunhaas en soaves fulltime beunhaas beej de vereinging. Bitje ieëzer slieëpe, depronne, klatsezoeëpe, zanike met Martin en stalle bâwwe: Waat kin Driekus neet? Hea zegtj neet völ, mer dieëze hoomp vleîs hieët e klejn hertje van goud! De beste chauffeur die dieës vereiniging kin bedeenke, want ánger kandidate woore dur neet. Oh jao. Mojje nog unne Pruûssese Reus (Groeëte Kniêne) hebbe? Beltj um effekes op, hea maakt-j uch unne schoeëne prieës!

“Ey, kan ik effe bietsen?” – Aldus Bietserd. Hea woeëntj nondedju aanne loeëds, en nóg hieët dea jong amper geldj beej. Det gluifdjea toch zelluf neet?! En geldj hieët dea haart noeëdig um al die bakke knoflooksaus te kinne betale! Dju, Bietserd eatj ieërder Knoflooksaus met pizza. Altieëd aan ut bâwwe, pléktj verreweg de mieëste meaters van alle plekkers en asj nog effe kin tot 4 oor smerriges doeër. Un echt fieëstnummer, ouch al veultj hea zich soms wul echt un schoonheidsprinses! Ofjeh… Mieër un heît kétje! Kieëktj heej mer us inne fillum nao zien talent…

As dejjea ouch mer eîn mement hetj gedachtj det dieëze jong uut Wieërt kwoom, hejjea ut mis. Stiekum keumptj hea nameluk uut Pole en hétj hea Pjøtr. Squatte es zien hobby, en op ziene elektrische scooter keumptj dea nao de loeëds geroltj um zelf nog wat verf te rolle. Want van Hoef schilders, zítj inne femilie. Dus det kaan neet mis gaon, zoojdje zegke. Bekans ongerkeultj in zien knieënepak beej de wage zitte umdet eemes (*kuch* veurzitter) zien sleutels vanne bus kwieët woor, kan Pjøtr mer lastig vergaete… Doarum hieët hea met bâwwe ouch nog altieëd ut vest van Stino Albino (uut 2011) aan um det Pools Godenlieëf werrum te hoajje.

Kobe Bryant, Chateaubriand, Sjatoo of gewoeën Bryan. Dieëze alleskunner hieët völ name, mer werrike det dea deut! Ofjeh, as hae dur zin in hieët, neteurlijk. Fan van un goot putje beer, keumptj dieëze Scoutingboy gear nao de loeëds um wat aan te kloeëjje met depron, tempex of ducttape. Want met ducttape, kijje alles make. anges gebroeëktjea neet zat ducttape. Alles vîngtj hea gezellig, veural ouch de waage en alles dur umhear (kiektj mer effkes nao de Hozfilm van 2015). Zónger zien drueëg opmerkinge zooj de loeëds allang ônger waater stoan zoe wie de Dr. Schaepmansstraot. Mer ouch die klueëtjes hejje noeëdig! Gelökkig krieëge vae subsidie vör um vanne straot te hoajje, anges…

Lekkers van Beckers. Mer dan gieëtj oeëver de frikkedelle, en neet oeëver dieëze knaap. Un paar putjes beer, koaj klâwwe en veural völ plékke és dieëze jong mej bieëzig. Secuur kijje um wul neume! Ut spoeëk in Blackpantalonië, mer neet alleîn doarum és dea jong dao beroemdj! Zînge, plaate uutbreenge, entertaine, Beckers kan ut allemaol! Met zien wereldhit “Spoeëkejaegers springt-j!” heef hea werrikeluk ALLE records gebroeëke waat dur te breake völtj!* Gelökkig maaktj zien mam de béste belkes in tomatesaus van hieël de Rectorijstraot.

*De Hêldje op Zök zeen neet verantwoeërdeluk vör foutieve informaasie op dieës saajt

Nondemejjaar waat mójje kwieët oeëver dieëze knoep? Oeëze Ellenders, irritante kwál dejje zeetj. Gelökkig zeejjea unne goojje kloeët en help-djea gear inne loeëds mej met alles waat met ieëzer te maake hieët. En te beroertj um de sauskwást inne hâng te neeme es Ellenders ouch neet. Mer ut allerleefst deut hea nog pizza bestelle. En völ. En altieëd met korting. En völ knoflooksaus. Mer det keumpt-j doeër Mitchel. Mër dés un ânger verhaal. Zînge kan hea ouch, mer dan wul Huilandstalig. Ut leefst knoepezaat oppe bar beej Vreug of Laat. Geîn nummer te gek, hea zîngt-j ut laaif vör uch!

Sjors. Djú, waat mótte vae dao toch oeëver zegke? úm de eîn of ânger meneer hieët dieëze jóng altieëd unne volle bak energie. Woe dét hea dét vandaan haalt-j, wétj neemes. Of jéh, vast wul é paar, mer vae neet. Inne loeëds deut hae ut leefst broâj-je met ut schmeitzgerät. Dés pruûses vör lasapparaat. En ás hea neet stieët te broâj-je, zoeëpt-j hea zich un dikke fles beer. Wúl un klats laote stoan, zoë wie ut beej de echte klatsezoeëpers hueërt-j.

Vreuger zachte ze, van Rooj keumpt-j nog geîne goojjen hônd vandaan.. Mer Susan bewieësj ânges! Beej de vereiniging pakt-j ze drék take op. Dét ut metein nejje es, vîngt-j Sjêndr dan weer wat minder… Gelökkig és ze gear te vînge in ut tempexhok en frotj ze gear wat inein. De verstandigste vanne groep en functionieërdtj gear ônger oeës eîge oma Anne als mooder as de groep weer knoeërzaat es. En djú, dés dek! Mér, waat ouch belangrieek és vör de Hêldje op Zök: Wéér un heît kétje durbeej.

Alsof dur unne wedstrieëd aanne gang és weem ut mieëste aaf kin valle! Eîne zak cement woor nog neet zat, Elianne maakt-j dur gewoeën bekáns 2 van! The game is on, Anne en Elianne! De naam lieëkt-j ouch nog us opeîn! Heîte kétjes, unaaited! Neet alleîn pekskes maakt-j zeuj, plékke deut ze ouch gear. Lekker met de hâng inne pleksel reure en det pepeer op die schoeën köpkes wrieëve.. As dejje dur mer geîn dekes op laotj voajje, keumt-j alles goot!

‘T és ’n wônger! Roel van Hoef, jao jao, ’t breurke van Stef van Hoef alias Pjøtr, és ouch al beej de Hêldje op Zök. En wie! Jaore zeure en zanike aan zien mooder, zag ze eindelijk: As déjjae 18 zeetj, dan moogdjea doon wat dejjae wilt-j. En eigeluk, as vrölliej zegge, dootj mer wat dejjae wilt-j.. Mojje det dus neet doon. Achjéh, neet oeës probleem! Doeërdeweaks hâwtj hae gear ’n stök ieëzer tot ’n hoefieëzer (jao jao, van Hoef), mer in de weekende… Dan és-j mer de vroag wie det hae trök in Ell keumtj…

Susan. Nein, neet te verwerre met de ieërste Susan, dieëze hetj Janssen en neet Versteegen. En ohjao, ze gieët ouch neet met Sander, ouch best belangrijk. Dit és al nömmerke 6 van de heite kétjes lieëst vanne Hêldje op Zök. Bloond haor en blâw auge… Susan heef ze! En dju toch, wat kan ze neet: plekke, schildere, tempexe, gae laotj ’t d’r eine kieër zeen en ze deut uch nao! Bekans ’n pappege-j. Beer en prik dreenkt-j ze neet, dus in ongerhoud és ze ‘nne goojjekaupe. Knoupt-j det in eur oeëre, manne!

Waat es beater ás 2 heîte kétjes? 2 heîte kétjes die ZUSJES zeen! Jao jao, beej Irish kan ’t neet misgoan. De race met aafvalle, dao deut zeuj ouch aan mej! Hiel nâw tieëgestander vör Anne en Elianne, al lieëke die naame völ mieër opeîn as Iris. Gezellig sfeertje wètj ze wul te breenge, mer eigelök es de vroag mieër: Heef eemes nog ‘nne leuke trui gekocht-j?

In ontwikkeling…

Sowieso!

In ontwikkeling…

In ontwikkeling…

In ontwikkeling…