Dé Hêldje op Zök

Oppe 11e vanne 11e in 2009 haajje zich ‘n paar kammeruî-j beej-eingepakt-j um saame un vastelavundjsvereiniging op te richte. Allerieërst hedje vae V.V. Zoorvleîs, mer toch woort ut V.V. de Hêldje op Zök. Gestoeëke in zûlver en roeëd zeen vae altieed te herkinne!

 

Inmiddels és de vereiniging 21 man groeët en kome vae uut alle hooke en gaate van Wieërt: Rooj, Ell, Blackpantalonië en zelfs Bosseve. Bâwwe doon vae aanne remundsjeweeg 163, beej maatschap Hoogeveen. Unne geweldjige míns!

 

Wildjea es koome kieke nao wat vae aan t aankloeëte zeen? Gear! T beer stieët koad! Loatj eîn van die Hêldje wat wieëte, dan keumpt-j alles goot.